Qeveria e Kosovës edhe njëherë ka kundërshtuar fuqishëm idenë për shkëmbimin e territoreve midis Kosovës dhe Serbisë.
Zyrtarë të qeverisë së Kosovës thanë se shkëmbimi i territoreve “nuk ka qenë opsion, nuk është as sot e nuk mund të jetë as në të ardhmen”.
Kjo ide është hedhur ditë më parë nga kongresistit amerikan Dana Rohrabacher.

Ideja për ndarjen e Kosovës, sot është hedhur poshtë zyrtarisht edhe nga Shtetet e Bashkuara të Amerikës. “SHBA-të janë kundër çfarë ndarje të Kosovës”, deklaroi zëdhënësi i Departamentit të Shtetit, Mark Tonër, duke shtuar se Uashingtoni e mbështet Kosovën në kufijtë e saj aktual. “Politika amerikane, nuk ka ndryshuar”, ka theksuar Tonër.

Ai ka shtuar se nuk është i njoftuar rreth idesë se kongresistit amerikan Dana Rohrabacher për shkëmbimin e territoreve mes Kosovës dhe Serbisë, sipas së cilës Beogradi do ta mbante Kosovën e Veriut, kurse Prishtina do të menaxhonte komunat me popullsi shqiptare në jug të Serbisë. “Shtetet e Bashkuara e respektojnë integritetin dhe sovranitetin territorial të Kosovës në kufijtë aktual”, ka theksuar Tonër.

Ideja për shkëmbimin e territoreve, tanimë disa ditë me radhë ka ngjallë debate të ashpra në Kosovë dhe Serbi. Kjo ide, është kundërshtuar edhe nga autoritetet zyrtare të Beogradit.

Bul Salihu