E shtunë, 29.11.2014
Impresum - Marketing - Arkiva - Kontakt

Yll Press

"Krahas asaj se dëshirojmë ta rrisim fondin e bibliotekave, qëllimi kryesor është ta rrisim kulturën e leximit dhe të krijojmë shprehi te gjeneratat e reja që sa më shumë të lexojnë libra, e me këtë u hapen dyert për pamjet drejt jetës", deklaroi Todorov.
Libra falas per gjithe nxenesit ne Maqedoni











Me distribuimin e librave dhe 250 lektyrave në shkollën fillore "Llazo Angellovski" në lagjen Aerodrom, ministri i Arsimit dhe Shkencës Nikolla Todorov e shënoi fillimin e projektit "Libra falas" në Shkup, por edhe të projektit të ri qeveritar për pasurimin e fondit të bibliotekës nëpër shkolla.

Ministri Todorov informoi se donacioni prej librave - letërsi e lirë dhe lektyra do të jetë i dedikuar për pasurimin e fondit të bibliotekave në shkollat fillore dhe të mesme, por edhe në fakultete.

"Krahas asaj se dëshirojmë ta rrisim fondin e bibliotekave, qëllimi kryesor është ta rrisim kulturën e leximit dhe të krijojmë shprehi te gjeneratat e reja që sa më shumë të lexojnë libra, e me këtë u hapen dyert për pamjet drejt jetës", deklaroi Todorov.

I pyetur se deri ku është procedura për nënshkrimin e marrëveshjes me autorët e librave, ai tha se ka realizuar vetëm një takim me ta, ku e ka shprehur qëndrimin e tij, në të cilin, siç tha, do të qëndrojë fuqishëm. Ministri tha se gjatë ditës është paraparë takim me ata autorë nga Shkupi që vlerësojnë se mund të arrihet kompromis dhe çmim i matur, ndërsa takimi me autorët nga brendësia është paraparë për nesër.

"Me ata autorë, me të cilët nuk do të arrihet pajtueshmëri, mbeten librat e vjetër", tha ministri i Arsimit dhe Shkencës, duke shtuar se librat do të ripërtërihen çdo tri vjet, ndërsa çmimi për librat e dëmtuar do të jetë i ndryshëm, varësisht nga ajo se cilin çmim e paguan Ministria gjatë furnizimit.

Kryetari i Komunës Aerodrom, Ivica Konevski, vlerëson se projekti qeveritar në periudhën e krizës ekonomike botërore është përkrahje e madhe për buxhetin familjar.

Librat e parë në kuadër të projektit "Libra falas" janë distribuar javën e kaluar në Prilep. Me të prej vitit shkollor 2009/2010 do të përfshihen të gjithë filloristët dhe nxënësit e shkollave të mesme. Projeki i madh i kushton Qeverisë mbi një miliardë denarë. Procesi do të zhvillohet në tri faza, ndërsa janë angazhuar më shumë botues

Publikuar: 11.08.2009 | 19:04
Lexuar: 1888 herė
Printo PDF format Shto nė,..

Komentet
Arber (24/09/2010 16:10:32) mir nuk a keq

Ndalohet pėrdorimi i gjuhės denigruese dhe fjalėve ofenduese ndaj individėve dhe ndaj grupeve specifike, si dhe komentimet qė s`kanė tė bėjnė me temėn e artikullit. Moderatorėt mbajnė tė drejtėn e fshirjes sė komenteve qė thyejnė rregullat e komunikimit.
Emri:
Email adresa:
Komenti:





Developed by: Just5 Studio
Rss furnizime