Shqipëria është lobistja më e mirë e Maqedonisë për në NATO. Shqipëria nuk do të dëgjojë thirrjen e Thaçit, por ka politikën e saj autonome’. Kështu deklaroi lideri i BDI-së Ali Ahmeti duke komentuar deklaratën e liderit të PDSH-së Menduh Thaçi, se do të kërkoj nga Shqipëria që t’i vendosë ‘veto’ Maqedonisë për në NATO.

“Shqipëria ka politik autonome dhe politikë të cilësisë së mirë dhe Shqipëria është një nga vendet që ka kontribuar për paqen dhe stabilitetin në rajon, dhe unë nuk mendoj që cilidoqoftë nga ne këtu t’i imponojmë Shqipërisë një politikë ndryshe nga ajo Shqipëria po e ndërton. Maqedonia njërin nga lobistët kryesorë për anëtarësim të Maqedonisë në NATO e ka Shqipërinë”, thotë Ali Ahmeti, kryetarë i BDI-së.

Lideri i PDSH-së Menduh Thaçi pas vizitës zyrtare në Tiranë, dhe në Prishtinë, ka paralajmëruar gjithashtu edhe një vizitë zyrtare në Sofje. Vizitat e Thaçit në vendet fqinje kanë për qëllim alarmimin për gjendjen diskriminuese të shqiptarëve në Maqedoni.