Autoritetet amerikane kanë zbuluar sipas të dhënave të tyre mashtrimin më të madh të të gjitha kohërave me karta krediti. Kundër tre burrave u ngrit padi. Ata mendohet të kenë siguruar të dhënat e më shumë se 130 milionë llogarive të kartave të kreditit.

Prokuroria e akuzon të paditurin kryesor, se si i ashtuquajtur hacker bashkë me ndihmësit e tij ka hyrë në sisteme të firmave të shitjes. Ata kanë instaluar programe dëmtuese, që u bënin të mundur të futeshin tek të dhënat. Synimi sipas prokurorisë ka qenë shitja më pas e këtyre të dhënave.