Një aeroplan me një motor i tipit Pajper, me pronësi private të personave nga Shkupi, sot detyrimisht ateroi në një pemishte përreth autostradës Tetovë-Shkup, në afërsi të kompleksit Petroll kompani, njoftoi Qendra për ballafaqim me kriza.

"Aeroplani ka fluturuar në relacionon Zarë-Shkup dhe ka transportuar gjashtë persona, katër udhëtarë dhe dy pilotë. Në mesin e udhëtarëve ka pasur dy fëmijë, por nuk ka të lënduar.

Janë vërejtur vetëm lëndime të lehta tek pilotët, ndërsa ekipi i Ndihmës urgjente mjekësore, i cili ka arritur në vendin e ngjarjes ka konstatuar se nuk ka nevojë për intervenim mjekësor", thuhet në kumtesën e QBK-së dhe shtohet se në terren janë prezentë ekipe të Ministrisë së Punëve të Brendshme dhe të Njesitit territorial kundër zjarreve nga Tetova.

Sipas QBK-së, janë shkatuar dëme në aeroplanin dhe në pemishten, të cilat do të vërtetohen në mënyrë shtesë.