Shkaku për vdekjen e këngëtarit Majkëll Xhekson definitivisht është mbidozimi me kombinim të rrezikshëm të barnave. Këtë e konfirmoi një ekspert anonim mjekësor i cili ka punuar në autopsinë e yllit të njohur.

Raporti do të thotë shtytje edhe më e madhe në hetimin kundër mjekut personal të Xheksonit, Kornad Murej, i cili me siguri do të përballet me aktakuzë për vrasje.

Murej, i cili u caktua si mjek i këngëtarit disa javë para vdekjes së tij, është përgjegjës për kombinimin fatal të barnave, të cilin Xheksoni ka konsumuar disa orë para vdekjes. Majkëll Xhekson ndërroi jetë më 25 qershor në moshën 50 vjeçare.