Vitin e ardhshëm do të zvogëlohet rritja ekonomike në Maqedoni, nga ndikimi indirekt i krizës financiare në botë, vlerëson Komisioni Evropian në raportin e tij.

Komisioni vlerëson se rritja ekonomike në Maqedoni nga 5,5 për qind sa është këtë vit, në vitin 2009 do të zvogëlohet në 4.5 për qind, ndërsa në vitin 2010 do të arrijë deri 5 për qind.

Bartës kryesor të rritjes ekonomike janë konsumi publik dhe ai privat, vlerëson Komisioni Evropian.

Komisioni gjithashtu parasheh që shkalla e inflacionit këtë vit të jetë 7 për qind, ndërsa vitin e ardhshëm të përgjysmohet në 3.5 për qind, ndërsa për 2010 pritet të shënojë rënie në 2.75 për qind.