Pjesa më e madhe e profesorëve japin nota që nuk përputhen me njohuritë e nxënësve dhe në vlerësimin më së shpeshti bëjnë lëshime me nga një notë.

Ky është konstatimi nga analiza e rezultateve të testimit ekstern të zbatuar mbi filloristat dhe mësuesit e tyre në fund të vitit të kaluar, para se Gjykata Kushtetuese ta marrë vendim për ndërprerjen e testimit ekstern.

Rezultatet sot i prezantuan ministri i Arsimit Nikolla Todorov dhe perfaqësuesit e Byrosë për zhvillim të arsimit.

Më së paku lëshim në mesin notave përfundimtare të nxënësve dhe notave të vlerësimit ekstern ka në lëndën e gjuhës maqedonishte, ndërsa lëshim më të madh ka në lëndën e fizikës.

Lëshim më të vogël, prej 21.43 për qind, ka në komunën Sopishte, ndërsa lëshim më të madh prej madje 88 për qind është vërejtur në komunën e Lipkovës.