Benzinat prej sonte lirohen për 1,5 denarë për litër, ndërsa çmimi i derivatit dizel mbetet i njejtë, vendosi sot Komisioni rregullator për energjetikë (KRE).

Me vendimin kryhet zvogëlimi i çmimeve rafinerike dhe të shitjes me pakicë të derivateve të naftës në mesatare për 1,56 respektivisht për 0,70 për qind.

Çmimi i ri i EUROSUPER BS-95 do të arrijë 62,50, ndërsa EUROSUPER BS-98 64 denarë për një litër. Çmimi i EURODIZEL (D-E V) mbetet i njëjtë, gjegjësisht 50 denarë për litër, ndërsa çmimi i Ekstra të lehtës për amvisëri (EL-1) zvogëlohet për 0,50 denarë dhe do të arrijë 38,50 denarë për litër.

Me vendimin e KRE-së për 0,491 denarë për kilogram rritet çmimi me pakicë i mazutit M-1 NS, i cili tani do të shitet për 28,326 denarë për kilogram.

Si shkak për zvogëlimin e çmimit të derivateve të naftës nga KRE e theksojnë për 1,61 për qind çmimin më të ulët të naftës së papërpunuar në dy javët e kaluara edhe për 0,3 për qind kursit më të lartë të denarit në krahasim me dollarin.