E shtunë, 19.04.2014
Impresum - Marketing - Arkiva - Kontakt

Yll Press
Publicitet

Për rritjen e fëmijëve tanë në mënyrë të përsosur është kusht që edhe mjedisi ku ata rriten dhe edukohen të jetë i përsosur.
Edukata dhe formimi i karakterit










Sigurisht, çdo fëmijë formësohet sipas mjedisit ku jeton, dhe, në një kuptim, konsiderohet fëmija i atij mjedisi. Në krye të elementëve të mjedisit në fjalë vjen familja, më pas shkolla, shokët, miqtë si dhe rrethi shoqëror i mësimeve dhe i studimit.
Në jetën shoqërore mund të përmendim edhe dyqanin ku fëmija ble bukën dhe qumështin çdo mëngjes, internet kafenë ku shkon kur vjen nga shkolla dhe sektorë të tjerë të shërbimeve. Po qe se ju nuk keni bërë dot një vlerësim të mirë të këtij mjedisi dhe nuk i keni zhvilluar instinktet e tij në këtë drejtim, infektimi i tij një ditë me një virus çfarëdo bëhet i pamënjanueshëm. Prandaj mjedisin, duke filluar që nga familja e duke vazhduar në çdo etapë të rrugës dhe njësi të jetës, duhet ta bëni të përshtatshëm për rritjen dhe edukimin e përsosur të fëmijës suaj.

Rregullimi i mjedisit familjar
Kur fëmija të jetë në vitet e para të shkollës, do t'i jepen njohuri sipas asaj moshe. Kur të shkojë në shkollë të mesme, ku do të merret me filozofi, shkenca shoqërore, etj, do të mbë-shtetet dhe përforcohet me materiale të atij niveli.
Po qe se në një shtëpi ka diskutime rreth librave të lexuar nga çdo pjesëtar dhe analizime të ngjarjeve shoqërore, dhe ato të dëgjohen e analizohen me kujdes edhe nga fëmija, mund të konsiderohet se kemi kapur synimin e rritjes me kualitet të fëmijës. Sigurisht, po qe se në një familje të gjithë lexojnë dhe janë të lidhur me informacionin dhe i ruajnë themelet e edukatës, nuk ka arsye që në një shtëpi të tillë çdo gjë të mos ecë në orbitën e vet!

Rregullimi i dozës së dashurisë
Ndjenjat që ushqejmë për fëmijët që po rrisim, mendimet, fjalët, jeta ndjesore, sjelljet tona duhet të kenë gjithmonë si synim të bëhen shembull. Në qoftë se dëshirojmë që ata të rriten në mënyrë të përkryer, duhet t’i kushtojmë vëmendjen e duhur rritjes dhe edukimit të tyre me vlerat më të larta njerëzore.
Duhet të themi gjithmonë të vërtetën dhe të shmangemi nga gënjeshtra. Në qoftë se duam që ata të mos përdorin fjalë të papërshtatshme, mjedisi ynë familjar duhet të jetë i pastër dhe larg këtyre fjalëve.

Në qoftë se dëshirojmë që fëmijët tanë të bëhen të vyer, të jetojnë të ndershëm, të jenë të ndjeshëm ndaj respektimit të të tjerëve, duhet të bëjmë çmos që shembullin e kësaj sjelljeje ata ta marrin në shtëpi, duke u bërë ne të parët heronj të tyre.Prandaj, fjalët, ndjenjat, emocionet dhe sjelljet e të rriturve përballë fëmijëve janë faktorët edukativë më me ndikim në një familje dhe duhet të vlerësohen si të tillë. Ndryshe, po qe se çështjen ua lini në dorë vetëm të tjerëve, duke u thënë:"tregojini diçka këtij", s'keni bërë asgjë.

Komunikimi me veprime
Mënyra më ndikuese në procesin e mësimit dhe edukimit është komunikimi me sjellje e gjeste. Prandaj, rregullimi i përshtatshëm i jetës familjare është pa diskutim më me ndikim në komunikimin e një ideje dhe përcjelljen e mesazheve edukuese te fëmija.

Kështu, do të ishte tepër ndikues fakti që fëmija t'ju shihte ju çdo ditë duke bërë një gjest të mirë, veprim të cilin më parë ia kishit sugjeruar edhe atij ta bënte. Por, po qe se do të përpi-qeshit t'ia tregonit ndjenjat tuaja vetëm me fjalë, nuk do të arrinit dot të bëheshit i besueshëm dhe i ndikueshëm mbi të.

Prandaj, qëndrimet e prindërve nuk duhet të jenë të ndryshme nga qëndrimet e fëmijëve të tyre. Ky dallim quhet hipokrizi praktike. Ndryshimi brenda-jashtë e shtyn fëmijën në dyfytyrësi, hipokrizi dhe në një mendësi dualiste.
Sidomos po t'ia sugjeroni këto gjëra herë pas here e po t'i fusni në një orbitë të caktuar bisedat dhe konsultimet që bëni me fëmijën në shtëpi, çdo gjë merr një bukuri të veçantë.

Dhembshuria
Në edukim, dhembshuria ka një vend të veçantë. Po qe se fëmija duhet të ketë frikë nga diçka, duhet të ketë frikë jo nga dhuna, kërcënimi, ndëshkimi, por nga humbja e dhembshurisë së prindërve. Po qe se thartimi i fytyrës së të atit apo përlotja e syve të nënës bëhen për të faktorët më veprues për ta sjellë në rregull, kjo gjë nuk është e mjaftueshme.
Ndërkaq, ka shumë rëndësi që fëmija t'ju besojë, të jetë i bindur se i ndjeni dhe bëheni pjesëtar i dhi-mbjeve apo vuajtjeve të tij. Kështu, kur ai të qajë, në qoftë se e bëni dot, edhe ju uluni e përlotuni, të paktën merrni pjesë në dëshpërimin e tij. Atëherë ju do t’i jepni vlera fëmijës, fjalët tuaja do të fitojnë vlerë dhe ndikim të madh mbi të dhe do të jeni të lidhur me njëri-tjetrin edhe në adoleshencën e tij kur shumica e fëmijëve kërkojnë të jenë të vetmuar.

Autoriteti
Ёshtë shumë jetësore që në shtëpi të mos ketë boshllëk autoriteti. Po qe se në shtëpi nuk ka një autoritet që do të siguronte harmoninë e saj, shtëpia nuk do të shpëtonte dot nga turbullia e drejtimit dhe fëmijët nga dualizmi i personalitetit.

Çdokush në familje ka detyrat dhe përgjegjësitë e veta dhe i kryen ato me korrektësi. Fëmija i cili e sheh qartë vetëdijen e përgjegjësisë brenda shtëpisë, s'ka për ta lëshuar kurrë veten në rrëmujë dhe papërgjegjësi. Në të kundërt, prania në shtëpi e dy vetëve të papërgjegjshëm dhe ardhja e urdhrave nga dy vende të ndryshme do ta bëjë më të çekuilibruar mendimin e fëmijës.

Veçanërisht, kur fëmija ka frikë nga njëri prej prindërve, duhet të ketë mundësi të strehohet tek tjetri dhe ky tjetër duhet të jetë prehri i nënës. Kështu, fëmija nuk do ta ndjejë vetminë. Në të kundërt, po qe se jeta familjare nuk mbështetet në një unitet të tillë, kundërshtitë dhe përplasjet do të vazhdojnë. Në familjet ku gruaja është një kokë më vete dhe burri një kokë më vete, fëmijët do të rriten me mungesë të përkushtimit prindëror.

Foleja Familjare / TOK

Publikuar: 31.08.2009 | 12:18
Lexuar: 2539 herė
Printo PDF format Shto nė,..

Komentet
lirdona (12/11/2009 23:39:49) leximi i klases 6 edhe edukata shoqrore ju lutem gjema qao klm
faliminderit shummmmmmmmmmmmmmmmmmmmmmmmmmmmmmmmmmmmm mmmmmmmm
vera (23/12/2009 09:54:47) un kam femije shum te bukur po hiq nuk sjellen mire:(
edona (11/04/2010 16:02:15) ju lutem gjemani leximin e kl 5 edukate qytetare

Ndalohet pėrdorimi i gjuhės denigruese dhe fjalėve ofenduese ndaj individėve dhe ndaj grupeve specifike, si dhe komentimet qė s`kanė tė bėjnė me temėn e artikullit. Moderatorėt mbajnė tė drejtėn e fshirjes sė komenteve qė thyejnė rregullat e komunikimit.
Emri:
Email adresa:
Komenti:















Developed by: Just5 Studio
Rss furnizime