Republika e Maqedonisë sot ishte në zi, për shkak të fatkeqësisë që ndodhi një ditë më parë në ujërat e Liqenti të Ohrit. Sot me vendim të qeverisë së Republikës së Maqedonisë flamujt u ulën në gjysmë shtizë, por ky vendim i saj nuk u respektua nga të gjitha institucionet.

Edhe përkundër asaj se qeveria e Republikës së Maqedonisë mbrëmë në një mbledhje të jashtëzakonshme ditën e sotme e ka shpallur ditë zije, kjo si duket nuk vlen për të gjitha institucionet njësoj.

Në godinën që gjendet prapa meje të Ministrisë së punëve të jashtme, siç mund të shihni edhe vet ju, flamujtë nuk janë ulur në gjysmë shtizë.

Rreth këtij skandali në Ministrinë e Jashtme, nuk deshi të prononcohet askush. Ndryshe në ambasadën e Bullgarisë në Shkup prej nesër do të jetë i hapur Libri i zisë, ndërkohë që qeveria bullgare ditën e nesërme e ka shpallur ditë zije.
Bedri Rexahllari