Kryeministri italian Silvio Berluskoni në pyetjen gazetareske nëse do të jep dorëheqje pas një varg skandalesh, u përgjigj se ai është “kryeministri më i mirë italian në 150 vitet e fundit”.

“Mendoj se jam kryeministri më i mirë italian në 150 vitet e fundit”, deklaroi Berluskoni në pres-konferencën e djeshme me koelgën e tij spanjoll Hoze Luis Zapatero.

Sipas përllogaritjeve të tij personale, Berluskoni është në pushtet 2.500 ditë, duke tejkaluar Alçide se Gasperin, kryeministrin e Italisë prej vitit 1945 deri më vitin 1953.

Skandale të reja seksuale lidhur me Berluskonin u paraqitën në mediume para disa ditëve. Spekulohet se nga shtatori i vitit 2008 deri në janar të vitit 2009, kryeministri italian u ka paguar 30 grave për shërbime seksuale.

Berluskoni kategorikisht hodhi poshtë atë se ka paguar për seks në jetën e tij. “Nuk kam paguar asnjë dollarë për shërbime të ngjashme”, pohon Berluskoni.