E mërkurë, 21.11.2018
Impresum - Marketing - Arkiva - Kontakt

Yll Press

Në fjalën e saj zëvendëskryeministrja Arifi theksoi se takimi i sotëm është edhe një konfirmim për transparencën me të cilën bëhet qasja në realizimin e këtij procesi, dhe gjithashtu paraqet edhe mundësi që të dëgjohen qëndrimet dhe sugjerimet shoqërisë civile.
Debat me sektorin civil për realizimin e obligimeve nga Dialogu aderues të nivelit të lartë







Sekretariati për çështje evropiane sot organizoi debat me përfaqësues të shoqërisë civile në Republikën e Maqedonisë, kushtuar realizimit të obligimeve të Dialogut aderues të nivelit të lartë.

Zëvendëskryeministrja e Qeverisë së Republikës së Maqedonisë për çështje evropiane Teuta Arifi e prezantoi Raportin e Qeverisë së Republikës së Maqedonisë për Komisionin Evropian rreth statusit të realizimit të aktiviteteve të parapara me Udhërrëfyesin për realizimin e objektivave prioriteteve të Dialogut aderues të nivelit të lartë.

Në fjalën e saj zëvendëskryeministrja Arifi theksoi se takimi i sotëm është edhe një konfirmim për transparencën me të cilën bëhet qasja në realizimin e këtij procesi, dhe gjithashtu paraqet edhe mundësi që të dëgjohen qëndrimet dhe sugjerimet shoqërisë civile.

Sa i përket progresit të shënuar zëvendëskryeministrja Arifi theksoi se është vlerësuar arritja e marrëveshjes për dekriminalizimin e shpifjes dhe ofendimit. Krahas kësaj, Qeveria ka miratuar raportin për zbatimin e Marrëveshjes së Ohrit ndërsa në vazhdimësi po kryhen edhe aktivitete në pjesën e reformave zgjedhore e cila përbëhet prej ndryshimit të Legjislacionit zgjedhor dhe kontrollimit të Listës Zgjedhore.

Përfaqësuesit e shoqërisë civile u pajtuan me faktin se Dialogu aderues i nivelit të lartë është i rëndësishëm për procesin e integrimit evropian, por theksuan se duhet të ekzistojë transparencë më e madhe dhe përfshirje më e madhe e faktorëve të tjerë shoqëror në procesin e planifikimit dhe realizimit të aktiviteteve.

Raporti për realizimin e Udhërrëfyesit operativ u prezantua dhe u shqyrtua edhe nga anëtarët e organeve përkatëse parlamentare, Komisioni për Çështje Evropiane dhe Këshilli Nacional për Eurointegrime.

Publikuar: 01.08.2012 | 14:39
Lexuar: 714 herë
Printo PDF format Shto në,..

Komentet

Ndalohet përdorimi i gjuhës denigruese dhe fjalëve ofenduese ndaj individëve dhe ndaj grupeve specifike, si dhe komentimet që s`kanë të bëjnë me temën e artikullit. Moderatorët mbajnë të drejtën e fshirjes së komenteve që thyejnë rregullat e komunikimit.
Emri:
Email adresa:
Komenti:















Developed by: Just5 Studio
Rss furnizime