E mërkurë, 21.11.2018
Impresum - Marketing - Arkiva - Kontakt

Yll Press

Udhëtimi i tij 8 ditor në Britaninë e Madhe, Izrael dhe Poloni kishte si qëllim të lustronte imazhin e tij, por në të vërtetë mediat ju referuan vetëm gafave.
Turneu me gafe i Romneyt



I hidhur ishte vlerësimi i medieve amerikane për udhëtimin jashtë vendit të kandidatit republikan për Shtëpinë e Bardhë, Mitt Romney, nga "pa ndikimin domethënës në Shtetet e Bashkuara", e deri tek "më mirë të ishte përqendruar tek fushata në shtetet e lëkundur".

Udhëtimi i tij 8 ditor në Britaninë e Madhe, Izrael dhe Poloni kishte si qëllim të lustronte imazhin e tij, por në të vërtetë mediat ju referuan vetëm gafave.

Në Britaninë e Madhe ai u kritikua nga media britanike, kur vuri në pikëpyetje gatishmërinë e vendit për të pritur Lojërat Olimpike 2012.

Në ndalesën e dytë, shpalli Jerusalemin si kryeqytetin e Izraelit, çka revoltoi shumë palestinezë, por mbi të gjitha binte ndesh me qëndrimin e Washingtonit, për të cilin përcaktimi i tij varet nga negociatat mes izraelitëve dhe palestinezëve.

Por çfarë e kulmoi turneun e tij ndërkombëtar ishte sjellja e papërshtatshme e zëdhënësit të tij në Poloni.

Rik Gorka humbi toruan përballë gazetarëve amerikanë, që kërkuan të pyesnin kandidatin republikan gjatë vizitës së tij në memorialin e Ushtarit të Panjohur në Varshavë, duke mos i lejuar ta pyesin për gafat gjatë udhëtimit jashtë Shteteve të Bashkuara. Ai shpejt kërkoi ndjesë.

Gjatë udhëtimit në Poloni, Mitt Romney synoi të tërheqë polako-amerikanët dhe votuesit e krishterë në Shtetet e Bashkuara, e gjithashtu të nënvizojë qëndrimin e tij të prerë ndaj Rusisë, të cilën e cilësoi si armikun numër një të Amerikës në gjeopolitikë.

Publikuar: 01.08.2012 | 23:17
Lexuar: 1021 herë
Printo PDF format Shto në,..

Komentet

Ndalohet përdorimi i gjuhës denigruese dhe fjalëve ofenduese ndaj individëve dhe ndaj grupeve specifike, si dhe komentimet që s`kanë të bëjnë me temën e artikullit. Moderatorët mbajnë të drejtën e fshirjes së komenteve që thyejnë rregullat e komunikimit.
Emri:
Email adresa:
Komenti:















Developed by: Just5 Studio
Rss furnizime