E premte, 14.12.2018
Impresum - Marketing - Arkiva - Kontakt

Yll Press

Nën komandën e Bahtiar Pashës, 18 mijë ushtarë të osmanlinj nisen në aksion për kthimin e pushtetit në Krushevë. Të shtënat e fundit në Gurin e Ariut dhe vdekja e prijësit Pitu Guli e shënojnë edhe fundin e Republikës së Krushevës.
Maqedonia feston njëqind e nëntë vjetorin e Kryengritjes se Ilindenit







Dy Ilindenët historikë - 109 vjet nga Kryengritja e Ilindenit dhe 68 vjet nga Mbledhja e parë e KAÇKM-së, do të shënohen me tubime popullore në Meçkin Kamen dhe në Krushevë, si dhe në Kompleksin memorial të KAÇKM-së në fshatin Pelincë të Kumanovës.

Në manifestimin qendror në Krueshevë do të marrë pjesë dhe do të mbajë fjalim presidenti i Republikës së Maqedonisë Gjorge Ivanov. Delegacioni do të vendosë lule në varrin e Nikolla Karevit, në vendin Sliva dhe në përmendoren e mbrojtësve të Republikës së Krueshevës në Meçkin Kamen, ku do të mbahet tubim i madh popullor.

Shefi i shtetit sonte në sheshin në Krushevë do të marrë pjesë në hapjen solemne të Takimeve kulturore-shkencore "10 ditët e Republikës së Krushevës 2012".

Në manifestimin në Krushevë, si edhe çdo vit, do të marrin pjesë kalorësit të cilët Marshin tradicional të Ilindenit e filluan nga Lisiçja e Epërme e Shkupit më 27 korrik.

Delegacioni i Kuvendit i RM-së i kryesuar nga kryetari Trajko Veljanovski do të vendosë lule në Qendrën memoriale KAÇKM në Pelincë të Kumanovës ku do të ketë tubim popullor.

Kryetari i Qeverisë Nikolla Gruevski do të vendosë lule në përmendoren e KAÇKM-së në parkun "Zhena Borec" dhe në përmendoren Metodija Andonov Çento, kryetar i parë i Presidiumit të KAÇKM-së, në qendër të Shkupit.

Në fshatin Tërnovë të Manastirit do të mbahet takimi tradicional i 41-të i migrimit maqedonas botëror, në organizim të shoqatave të mërgimtarëve nga Maqedonia.

Fillimin e Kryengritjes së Ilindenit e kumtuan këmbanat në Krushevë, në mesnatë përballë Ilindenit më 1903. Rreth 800 kryengritës e çliruan qytetin, pas dy ditësh, Nikolla Karevi e shpall Republikën e Krushevës dhe u bë kryetari i saj...Republika e lirë zgjati dhjetë ditë.

Nën komandën e Bahtiar Pashës, 18 mijë ushtarë të osmanlinj nisen në aksion për kthimin e pushtetit në Krushevë. Të shtënat e fundit në Gurin e Ariut dhe vdekja e prijësit Pitu Guli e shënojnë edhe fundin e Republikës së Krushevës.

Dyzet e një vjet pas Kryengritjes së Ilindenit, në manastirin Shën Prohor Pçinski afër Kumanovës, 115 delegatë e mbajtën Mbledhjen e parë të KAÇKM-së (Kuvendi antifashist i çlirimit popullor të Maqedonisë), ku u konfirmua pozita shoqëroro-juridike e Maqedonisë si shtet i barabartë federal në korniza të FD Jugosllavisë. Mbledhjen e hapi Panko Brashnarov, delegati më i vjetër dhe dëshmitar i dy Ilindenëve. U zgjodh Presidiumi i KAÇKM-së, në përbërje: Metodija Andonov Çento.

Asambleja miratoi disa dokumente me rëndësi shtetërore, në mesin e të cilave edhe Vendimi për vendosjen e gjuhës maqedonase si gjuhë zyrtare në shtetin e Maqedonisë dhe Deklarata për të drejtat themelore të njeriut dhe qytetarit të Maqedonisë demokratike.

Publikuar: 02.08.2012 | 10:39
Lexuar: 863 herë
Printo PDF format Shto në,..

Komentet

Ndalohet përdorimi i gjuhës denigruese dhe fjalëve ofenduese ndaj individëve dhe ndaj grupeve specifike, si dhe komentimet që s`kanë të bëjnë me temën e artikullit. Moderatorët mbajnë të drejtën e fshirjes së komenteve që thyejnë rregullat e komunikimit.
Emri:
Email adresa:
Komenti:





Developed by: Just5 Studio
Rss furnizime