E premte, 14.12.2018
Impresum - Marketing - Arkiva - Kontakt

Yll Press

Ajo mbetet krenaria e sportit shqiptar. Xhudistja Majlinda Kelmendi trajneri i saj Driton Kuka dhe kryetari i Federatës së Xhudos, Agron Kuka, janë kthyer të enjten nga Londra, ku morën pjesë në Lojërat Olimpike “Londra 2012”. Në Aeroportin Ndërkombëtar të Prishtinës, “Adem Jashari”, u pritën nga Ministri i Kulturës, Rinisë dhe Sportit Memli Krasniqi, i cili edhe njëherësh u zotua se pavarësisht rezultatit të arritur do të vazhdojë ta përkrahë, siç tha ai, krenarinë e kombit shqiptar.
Majlinda kthehet nga olimpiada













Ministri Krasniqi vlerësoi lart punën e Federatë së Xhudos dhe xhudistes pejane Majlinda Kelmendi, e cila edhe pse pa ndonjë sukses të madh arriti për herë të parë të marrë pjesë në një olimpiadë.

Krasniqi tha se Majlinda Kelmendi ka qenë, është dhe do të mbetet krenaria e sportit të Kosovës dhe po ashtu një frymëzim i gjallë për mijëra sportistë të Kosovës që do t’i frymëzojë në vazhdimësi dhe do të ndikojë që të punojnë sa më shumë për të realizuar ëndrrat e tyre ashtu siç i ka realizuar Majlinda.

Ministri Krasniqi tha se pa marrë parasysh rezultateve të arritura, Ministria që ai drejton edhe në të ardhmen do të vazhdojë ta përkrahë Federatën e Xhudos dhe Majlindën.

Krasniqi shtoi se tash e tutje Majlinda do ta përfaqësojë Republikën e Kosovës, pasi që Federata e Xhudos së Kosovës është e pranuar në Federatën Ndërkombëtare dhe ka të drejta të barabarta me të gjitha federatat e tjera.

Sportistja më e suksesshme shqiptare Majlinda Kelmendi duke rrëfyer për paraqitjen e saj në Lojërat Olpimpike “Londra 2012’, tha se nuk është e kënaqur me atë se çfarë ka arritur, mirëpo shtoi se dita e 29 korrikut ka qenë e pafat për të.

“E di që suksesi apo mossuksesi i lojërave olimpike nuk ka qenë rezultat që e kemi prit. Ndoshta nuk ka qenë dita ime me fat, pasi që nuk ka ndodh asnjëherë që të humbi nga një garuese që nuk është në nivelin tim, mirëpo e ceka më herët ka qenë ditë pa fat dhe koncentrimi i pamjaftueshëm. Vetë prezenca në Lojërat Olimpike është ngarkesë psikike, sidomos kur është hera e parë dhe kur e din që presin dy shtete prej teje. Përkrahja ka qenë e madhe edhe në Shqipëri, ku edhe kryeministri Berisha më ka thënë se je personi që presim medale dhe krejt shqiptarët besojnë në ty”, ka thënë ajo.

Trajneri Dritan Kuka e arsyetoi gabimin e Majlindës, duke thënë se të gjithë sportistëve të mëdhenj u ndodhin gjëra të tilla. Megjithatë, Kuka deklaroi se janë arritur dy nga tri qëllimet e tyre, duke përmendur arritjen e normës olimpike, debutimin me fitore të Majlindës në Lojërat Olimpike që po mbahen në Londër, ndërsa shpreson që në vitin 2016 të arrijë edhe qëllimin e tretë, pra marrjen e medales.

Publikuar: 02.08.2012 | 16:17
Lexuar: 1071 herë
Printo PDF format Shto në,..

Komentet

Ndalohet përdorimi i gjuhës denigruese dhe fjalëve ofenduese ndaj individëve dhe ndaj grupeve specifike, si dhe komentimet që s`kanë të bëjnë me temën e artikullit. Moderatorët mbajnë të drejtën e fshirjes së komenteve që thyejnë rregullat e komunikimit.
Emri:
Email adresa:
Komenti:















Developed by: Just5 Studio
Rss furnizime