E mërkurë, 21.11.2018
Impresum - Marketing - Arkiva - Kontakt

Yll Press

Ai ka njoftuar Zëvendësambasadoren amerikane edhe për heqjen e mbikëqyrjes ndërkombëtare të pavarësisë së Kosovës, për procesin e fuqizimit të subjektivitetit ndërkombëtar, përmbylljen e procesit të njohjeve si dhe për anëtarësimin e Kosovës në organizata të rëndësishme ekonomike, financiare dhe politike në nivel rajonal dhe global.
Hoxhaj: Lidhjet e Kosovës me SHBA-të janë të shenjta





Ministri i Punëve të Jashtme i Republikës së Kosovës, Enver Hoxhaj, priti në takim Zëvendësambasadoren e Shteteve të Bashkuara të Amerikës në Prishtinë, Kelly Degnan.

Ministri Hoxhaj i ka uruar Zëvendësambasadores Degnan, detyrën e re në Prishtinë, si dhe e ka njoftuar me zhvillimet në Kosovë dhe progresin e vazhdueshëm që po arrihet në të gjitha sferat.

Hoxhaj ka shprehur mirënjohjen e qytetarëve dhe të Qeverisë së Republikës së Kosovës për përkrahjen e gjithanshme që SHBA-të kanë dhënë dhe po vazhdojnë të japin për Kosovën, duke theksuar se “lidhjet SHBA-Kosovë janë të shenjta dhe se do të mbesin të tilla përherë”.

Ai ka njoftuar Zëvendësambasadoren amerikane edhe për heqjen e mbikëqyrjes ndërkombëtare të pavarësisë së Kosovës, për procesin e fuqizimit të subjektivitetit ndërkombëtar, përmbylljen e procesit të njohjeve si dhe për anëtarësimin e Kosovës në organizata të rëndësishme ekonomike, financiare dhe politike në nivel rajonal dhe global.

“Kosova, historikisht, gjeografikisht dhe në aspektin kulturor çdo herë ka qenë një vend evropian dhe qëllim i jonë afatshkurtër dhe afatgjatë është anëtarësimi në strukturat euroatlantike, në Bashkimin Evropian dhe në NATO”, ka thënë Ministri Hoxhaj.

Ministri i Jashtëm i Kosovës po ashtu e ka informuar Zëvendësambasadoren Degnan edhe për punën dhe aktivitetet e tjera të Ministrisë së Punëve të Jashtme të Kosovës.

Publikuar: 02.08.2012 | 21:30
Lexuar: 676 herë
Printo PDF format Shto në,..

Komentet

Ndalohet përdorimi i gjuhës denigruese dhe fjalëve ofenduese ndaj individëve dhe ndaj grupeve specifike, si dhe komentimet që s`kanë të bëjnë me temën e artikullit. Moderatorët mbajnë të drejtën e fshirjes së komenteve që thyejnë rregullat e komunikimit.
Emri:
Email adresa:
Komenti:















Developed by: Just5 Studio
Rss furnizime