E diel, 9.12.2018
Impresum - Marketing - Arkiva - Kontakt

Yll Press

Disa hulumtime tregojnë se një humbje e madhe në peshë nuk mund të arrihet vetëm me ushtrime, madje sipas ekspertëve ushtrimet janë përgjegjëse për shtimin në peshë.
Edhe ushtrimet mund të ju shtojnë në peshë?







Ushtrimet i shkrijnë kaloritë, por e shtojnë oreksin

Nuk ka kurrfarë dyshimi se ushtrimet i shkrijnë kaloritë, po ushtrimet gjithsesi i shtojnë edhe oreksin. Sa më shumë që ushtrojmë, aq më shumë konsumojmë dhe në këtë mënyrë e sabotojmë veten tonë në pretendimet për të humbur në peshë. Për të mos ndodhur krejt e kundërta nga ajo që dëshirojmë, ekspertët sugjerojnë që duhet të jemi të vetëdijshëm për një gjë të tillë. Jini të vetëdijshëm se kur t'i filloni ushtrimet do të ndiheni shumë të uritur, por si gjithmonë ka zgjedhje - më shumë vëmendje kushtojuni ushtrimeve në natyrë. Ato ju ndihmojnë ta harroni edhe oreksin.

Kujdes me ushqimin

Nuk do të ishte mirë që mu para treningut të konsumoni apo edhe gjatë treningut ta bëni një gjë të tillë. Sipas ekspertëve, do të ishte mirë që ta shmangni ushqimin e pasur me sheqer dhe karbohidratet e rafinuara. Në vend se ta teproni me ushqim, trupin duhet lejuar që të përdorë yndyrat rezervë. Më së miri do të ishte të konsumoni dy deri katër orë para se të shkoni në palestër, ngase kështu ndodh shkrirja më e mirë e dhjamit. Ushtrimet në lukth relativisht të zbrazët po ashtu do ta dobësojnë oreksin tuaj, kështu që edhe pas ushtrimeve do të konsumoni më pak.

Pa pije energjike!

Është shumë popullor besimi se pijet energjike dhe pijet e tjera sportive ndikojnë në shtimin e ushtrimeve. Por, e vërteta është se pijet e tilla janë të pasura me sheqer. Në vend të tyre, zgjidheni ujin dhe drithërat e shëndosha integrale. Mos harroni se edhe ushqimet e tilla të shëndetshme duhet t'i konsumoni disa orë para ushtrimeve.

Publikuar: 03.08.2012 | 11:19
Lexuar: 976 herë
Printo PDF format Shto në,..

Komentet

Ndalohet përdorimi i gjuhës denigruese dhe fjalëve ofenduese ndaj individëve dhe ndaj grupeve specifike, si dhe komentimet që s`kanë të bëjnë me temën e artikullit. Moderatorët mbajnë të drejtën e fshirjes së komenteve që thyejnë rregullat e komunikimit.
Emri:
Email adresa:
Komenti:















Developed by: Just5 Studio
Rss furnizime