Një model të ri tarifor të krijuar për studentët dhe për popullatën e re promovoi sot operatori celular “Cosmofon”.

Modeli tarifor X-TRA është i arritshëm për personat prej moshës 18 deri në atë 27 vjeçe.

Tarifimi për një minutë thirrje zanore dhe vizuele, si dhe për shërbimet SMS, MMS, MB do të arrijë 4,5 denarë drejt të gjitha rrjetave, plus TVSH.

Shfrytëzuesi i këtij modeli tarifor ka mundësi të aktivizojë pako të SMS-it me çmim prej 99 denarëve, me çka fiton mundësi për dërgimin e 99 SMS porosive.

Shfrytëzuesit e X-TRA-së fitojnë edhe mundësi për të zgjedhur pripejd pako me telefon celular, me bonus special.

Në pres-konferencën e sotme përfaqësuesit e Cosmofon-it paralajmëruan se ribrendimi i kompanisë do të jetë i gatshëm deri në fund të vitit.