Fëmijët e Idrizovës jashtë bankave të shkollës, më pak mjete për UTSH dhe ndërprerja e rindërtimit të shkollave shqipe janë dëshmi që Ministria e arsimit diskrimonon shqiptarët, thotë deputeti i DR-së.
Deputeti i DR-së Sulejman Rushiti akuzoi Ministrinë e arsimit dhe të Shkencës që nxënësit shqiptarë të klasës së pestë në Idrizovë, ende nuk kanë filluar të ndjekin procesin mësimor.
"Nxënësit janë bërë peng i voluntarizmit të Ministrisë së Arsimit dhe të Shkencës dhe të paaftësisë së zëvendësministres në dikasterin në fjalë, Lindita Qazimi, që të zgjidhë odisenë e hapjes së paraleleve shqipe", tha Rushiti.
Sipas tij Ministria e arsimit bënë politik diskriminuese kundër shqiptarëve.
"Shkurtimi i mjeteve finansiare për USHT-në për objektet që janë në ndërtim, ndërprerja e ndërtimit dhe rikonstruimit të shkollave në vendbanimet shqiptare pa arsye të drejtë, kolapsi i Institutit për Trashëgimi Kulturore dhe Shpirtërore të Shqiptarëve, mos hapja e paraleleve në gjuhën shqipe të parashikuara me konkurs janë pjesë nga një seri e diskriminit të arsimit Shqip", shtoi Rushiti.
Alsat-M
