E hënë, 22.12.2014
Impresum - Marketing - Arkiva - Kontakt

Yll Press

Në natën finale, festivali u çel pikërisht nga shoqëria tetovare “Jehona e Malësisë së Sharrit” e cila solli në skenën “Argjiro” ritin e drithit, i njohur në trevën e Pollogut. Ky rit ka zgjuar interesim tek publiku i cili mirëpriti disa herë me duartrokitje ruajtësit e folklorit burimor tetovar
Folklori i Pollogut sihariq i vėrtetė nė Gjirokastėr










Ritet e dasmës, vallja e vjetër qindra vjeçare dhe këngët burimore nga treva e Pollogut kanë qenë pjesë e programit prej 30 minutave të shoqërisë kulturo-artistike “Jehona e Malësisë Sharrit” e cila këtë vit kishte nderin të përfaqësonte Maqedoninë në festivalin folklorik kombëtar “Gjirokastra 2009”, që u mbajt nga data 24 deri më 29 shtator.

Në natën finale, festivali u çel pikërisht nga shoqëria tetovare “Jehona e Malësisë së Sharrit” e cila solli në skenën “Argjiro” ritin e drithit, i njohur në trevën e Pollogut. Ky rit ka zgjuar interesim tek publiku i cili mirëpriti disa herë me duartrokitje ruajtësit e folklorit burimor tetovar, ndërsa kanë qenë motrat Sahiti të cilët kanë kënduar këngën “Kur dola te dera”.

Më pas grupi i burrave ka ekzekutuar vallen “brez pas brezi”, për të vijuar më pas me këngën e Mehmet Vocës. Grupi i burrave sërish ka performuar vallen “ Shqiponja”e ekzektuar më mjeshtëri nga Hajri Ismani, Hajri Ismani, Riza Bislimi, Muhamet Durmishi, Rami Asani, Zenedin Ismani dhe Qefali Avzija.

Ndërkaq me vëmendje të madhe nga publiku është ndjekur kënga satirike “Gugashi” e interpretuar nga motrat Sahiti.

Pas përfundimit të programit të shoqërisë kulturo Artsitike Jehona e Malësisë së Sharrit, sekretari Latif Latifi dhe kryetari Hajri Ismani u shprehën të kënaqur me angazhimin e anëtarëve. Ata theksuan se në Gjirokastër sollën traditën e lashtë të trevës së Pollogut.

“Anëtarët e grupit si valltarëve poashtu edhe interpretuesit treguan nivel të lartë të paraqitjes dhe kjo për ne ka shumë rëndësi sepse arritën të prezantojmë folklorin tonë burimor”, tha Latifi, sipas të cilit publiku gjatë gjithë kohës ka ndjekur artistët me vëmendje dhe në fund ka dhënë duartrokijte të shumta.

”Ne një kohë të gjatë kemi zhvilluar përgatitje për këtë festival.Sollëm në skenën e Gjirokastrës vallen që është luajtur në odat tona qindra vite më parë dhe është ruajtur brez pas brezit.Sollëm këngët që janë kënduar nga të parët tanë dhe mendoj se arritëm qëllimin tonë që ishte prezantimi dinjitoz I folklorit burimor të trevës tonë”, tha Hajri Ismani.

Ndërkaq, Nazim Kaba përfaqësues I shoqërive kulturo-artistike nga Maqedonia është shprehur I kënaqur me programin që e prezantoi shoqëria” Jehona e Malësisë së Sharrit” duke vijuar më tej se kjo shoqëri arriti me mjaft sukses të prezantojë vlerat dhe traditën e Pollogut.Ndërkaq anëtarët e shoqërisë Aida Sinani dhe Zemri Arifi theksuan se në festivalin e Gjirokastrës I cili mbahet nga viti 1968 sollën foklorin e pastrë burimor të Tetovës.

Nga juria e këtij Festivali shoqëria Jehona e Malësisë së Sharrit u nderua me çmimin special për kostumografi më të mirë. /Urim Hasipi/

Publikuar: 01.10.2009 | 05:18
Lexuar: 2502 herė
Printo PDF format Shto nė,..

Komentet

Ndalohet pėrdorimi i gjuhės denigruese dhe fjalėve ofenduese ndaj individėve dhe ndaj grupeve specifike, si dhe komentimet qė s`kanė tė bėjnė me temėn e artikullit. Moderatorėt mbajnė tė drejtėn e fshirjes sė komenteve qė thyejnė rregullat e komunikimit.
Emri:
Email adresa:
Komenti:















Developed by: Just5 Studio
Rss furnizime