Tregjet devizore botërore me vëmendje do ta përcjellin takimin e sotëm të ministrave të financave të vendeve të G-7-shit, që të shohin nëse do të bëjnë diçka më shumë nga bisedimet e zakonshme për valutat, dhe nëse do të tentojnë t'i përforcojnë pozicionet e dollarit, i cili shumë u lirua javëve të fundit.

Dollari është në qendër të vëmendjes, pasi të dhënat e Fondit Monetar Ndërkombëtar (FMN), të publikuara këtë javë, treguan se pjesa e tyre e rezervave të përgjithshme devizore janë zvogëluar deri në nivelin më të ulët nga viti 1995.

Kryetari i Bankës Botërore, Robert Zelik, paralajmëroi se pozicioni i dollarit si valutë rezerve udhëheqëse në botë, nuk duhet të pranohet si i garantuar.