Një raketë e NASA-s, qendrës amerikane të hapësirës, qëllimshëm ka goditur sipërfaqen e Hënës në përpjekje për të gjetur ujë apo akull. NASA shpreson që shpërthimi i raketës të shkaktojë ngritje të mjaftueshme grimcash nga pluhuri hënor sa të lejojë shqyrtimin e përbërjes së tij për të verifikuar prezencën e ujit.

Një anije kozmike e dytë, që ishte pas raketës ka xhiruar gjithë operacionin dhe ka marrë mostra për analiza dhe matje të mëtutjeshme. NASA njoftoi se raketa ka goditur sipërfaqen e hënës në orën 07:31 minuta sipas orës lokale amerikane.

“Shfaqja spektakolare mund te shihet nga teleskope të përmasave mesatare dhe te avancuar”, deklaruan punonjësit e NASA-s. I gjithë operacioni i Qendrës amerikane të hapësirës ka kushtuar 79 milionë dollarë.