Presidenti i Polonisë Lech Kaczynski ka firmosur Traktatin e Lisbonës për reformimin e Bashkimit Evropian. Në ceremoninë festive që u organizua me këtë rast morën pjesë kryetari i Parlamentit Evropian, Jerzy Buzek, presidenti i Komisionit Evropian, Jose Manuel Barroso dhe kryeministri i Suedisë, Frederik Reinfeld. Të dy dhomat e parlamentit polak, Sejmi dhe Senati e kanë miratuar Traktatin që në prill të vitit të kaluar.

Megjithatë Lech Kaczynski ishte në pritje të rezultatit të referendumit të dytë në Irlandë para se të nënshkruante Traktatin e Lisbonës. Me nënshkrimin e tij Polonia përfundon si vendi i parafundit i BE-së procesin e ratifikimit. Në mënyrë që Traktati të hyjë në fuqi ajo duhet të nënshkruhet edhe nga presidenti i Çekisë, Vaclav Klaus.