E mërkurë, 26.11.2014
Impresum - Marketing - Arkiva - Kontakt

Yll Press

Lideri i BDI-së Ali Ahmeti në fjalimin e tij deklaroi se Hasan Prishtina ka merituar të ndodhet në qendër të Shkupit, pasi prej aty i ka filluar projektet në interes të popullit shqiptar.
Hasan Prishtina nė Shkup nga sot e pėrgjithmonė




Zbulohet shtatorja e Hasan Prishtinës në Shkup

Shtatorja e veprimtarit të madh kombëtar Hasan Prishtina, sot u zbulua edhe në sheshin "Skenderbeu" në Shkup. Në këtë eveniment morë pjesë shumë funksionarë të lartë nga vendi, Kosova dhe Shqipëria, ndërsa fjalime mbajtën kryetari i Bashkimit Demokratik për Integrim, Ali Ahmeti, kryetari i Komunës së Çairit, Izet Mexhiti, familjari i veprimtarit Hasan Prishtina, Mehmet Prishtina dhe kryetari i komunës së Preshevës, Rahmi Mustafa.

Lideri i BDI-së Ali Ahmeti në fjalimin e tij deklaroi se Hasan Prishtina ka merituar të ndodhet në qendër të Shkupit, pasi prej aty i ka filluar projektet në interes të popullit shqiptar.

"Të nderuar, Hasan Prishtina i madh është në Tiranë, Hasan Prishtina i madh është në Prishtinë, por Hasan Prishtina më i madh është në Shkup, sepse këtu Ai bëri projektet, Ai këtu punoi, frymëzoi dhe brumosi luftëtarë e luftëtarë për t'i dalë zot vendit, për t'i dalë zot vatanit", tha Ahmeti.

Ndërkaq, kryetari i Komunës së Çairit, Izet Mexhiti, tha se Shkupi, nuk do të ishte ky që është sot, pa Hasan Prishtinën, prandaj e meriton që të qëndrojë vetëm disa metra pranë heroit më të madh kombëtar, Skenderbeut.

"Kam kënaqësinë e veçantë që brenda viteve sa jam në krye të Çairit, t'u drejtohem për herë të dytë nga sheshi i njëjtë, për arsyen e njëjtë. Para disa kohësh, po në këtë shesh ne inauguruam shtatoren e e Skënderbeut, ndërsa ne sot jemi këtu që këtij heroi të madh, t'ia shtojmë edhe një shtatore po aq të madhe, duke mos e lënë atë të vetmuar. Bashkë me familjarët e Hasan Prishtinës sot po bëhemi arkitektë të drejtpërdrejtë të shqiptarisë në Shkup. Siç u konstatua nga studiuesit e konferencës shkencore të organizuar nga Instituti i Trashëgimisë shpirtërore dhe kulturore të shqiptarëve në Maqedoni, shqiptarëia nuk do të ishte kështu siç është sot pa Hasan Prishtinën, përkthyer në fjalorin tonë, as Shkupi nuk do të ishte ky që është sot pa Hasan Prishtinën", tha Mexhiti.
Hasan Prishtina në Shkup nga sot e përgjithmonë

Pinjolli i familjes së Hasan Prishtinës, Mehmet Prishtina, nga foltorja fillimisht falënderoi të gjithë ata që ndihmuan vendosjen e Shtatores së Hasan Prishtinës në Shkup, si Komunën e Çairit dhe Institutin për trashëgimi kulturore të shqiptarëve dhe shtoi së Shkupi ka qenë udhëkryqi i të gjitha veprimtarive kombëtare të Hasan Prishtinës.

"Udhëkryqi i veprimtarive të Hasan Perishtinës ishte Shkupi. Sot Shqipëria është anëtare e NATO-s, Kosova është shtet i pavarur, ndërsa pjesë tjetër i mbetet klasave politike se si do ta trajtojnë bashkimin dhe interesat e kombit në të ardhmen. Urime Hasan Prishtina për jetë e mot në qendër të Shkupit", tha Mehmet Prishtina.
Hasan Prishtina në Shkup nga sot e përgjithmonë

Me këtë rast fjalim mbajti edhe kryetari i Komunës së Preshevës, Rahmi Mustafa, i cili çmoi veprat e Hasan Prishtinës, por edhe vendosjen e shtatores së tij në Shkup.

Përmendorja e Hasan Prishtinës e derdhur në bronz dhe me një lartësi prej tre metrave është vepër e skulptorit Artan Peqini. Tërë projekti është me vlerë prej 72 mijë euro, ndërsa është donacion i Mehmet Prishtinës. Para një viti, shtatorja e Hasan Prishtinës u ngrit edhe në Prishtinë, ndërsa në nëntor do të vendoset edhe në Tiranë.

Ndryshe, dje në organizim të Institutit për trashëgimi kulturore të shqiptarëve është mbajtur edhe konferenca shkencore "Veprimtaria atdhetare te Hasan Prishtinës", ku me referate u paraqitën studiues nga Shkupi, Prishtina dhe Tirana.
Hasan Prishtina në Shkup nga sot e përgjithmonë

Publikuar: 14.10.2012 | 18:16
Lexuar: 1316 herė
Printo PDF format Shto nė,..

Komentet

Ndalohet pėrdorimi i gjuhės denigruese dhe fjalėve ofenduese ndaj individėve dhe ndaj grupeve specifike, si dhe komentimet qė s`kanė tė bėjnė me temėn e artikullit. Moderatorėt mbajnė tė drejtėn e fshirjes sė komenteve qė thyejnė rregullat e komunikimit.
Emri:
Email adresa:
Komenti:















Developed by: Just5 Studio
Rss furnizime