Manifestimi poetik ndërkombëtar "Ditët e Naimit", në Pallatin e kulturës në Tetovë do të jetë me program të pasur, paralajmëruan organizatorët në konferencën për shtyp në Tetovë.

"Dyzet poetë veçmë e kanë konfirmuar pjesëmarrjen e tyre. Mysafirë do të ketë nga Italia, Gjermania, Franca, Bullgaria, Shqipëria, të cilët me pjesëmarrjen e tyre do të shprehin respekt për imazhin dhe veprën Naim Frashërit në edicionin e 13-të të Festivalit ndërkombëtar", tha Shaip Emrullahu, anëtar i jurisë së festivalit.

Festivali i sivjemë ndërkombëtar i poezisë do të fillojë të enjten, me vendosjen e luleve para përmendores së Naim Frashërit, ndërsa mbyllja pas tre ditëve do të bëhet me ndarjen e çmimit kryesor të laureatit të sivjemë, Lionel Rej nga Franca.

Ekspozita, mbrëmje të poezisë, promovime të librave janë vetëm pjesë nga ngjarjet kulturore.

Krahas ndarjas së çmimit "Ditët e Naimit", do të ndahen edhe çmimet "Menada", "Oeneum" dhe "Qiriri i Naimit".