Pas vrasjes së mbrëmshme në lagjen Xhon Kenedi të 29 vjeçarit Fadil Shaqiri, sot për televizionin ALSAT në një linjë telefonike u prononcua edhe kushëriri i tij, ish deputeti dhe ish komandanti i UÇK-së Xhezair Shaqiri. Ai ka mohuar zërat se vrasja e kushëririt, mund të ketë lidhje me të.

Xhezair Shaqiri ka vërtetuar pohimet se vrasja ka ndodhur për shkak të mosmarrëveshjeve që kanë pasur 29 vjeçari me fqinjin e tij Hasip Sellmanoviq, për kopshtin para banesës së tyre.

Ndërkohë, edhe policia saktësoi se viktima Fadil Shaqiri është vrarë gjatë një zënke me fqinjin e tij, rreth një kopshti të vogël para banesës, të cilin e mirëmbante Hasip Sellmanoviq, tashmë i arrestuar.

Viktima, jo vetëm që nuk respektonte mirëmbajtjen, por prishte sistematikisht të mbjellat në të, duke parkuar makinën. Kulmi arriti mbrëmjen e djeshme kur Shaqiri provokoi sërish fqinjin e tij diku rreth orës 17:45.
Pas një sherri verbal, Sellmanoviq ka nxjerrë pistoletën dhe ka lënë të vrarë në vend 29 vjeçarin Fadil Shaqiri, i njohur në lagje edhe me nofkën Bruno. Pas krimit, autori i është vetëdorëzuar policisë në komisariatin ‘Beko’ në qendër të Shkupit.

Valmir Kuçi