Komisioneri Evropian për zgjerimin Olli Rehn këshilloi nga Brukseli që liderët në Maqedoni të mendohen dy herë para se të vendosin për ndonjë referendum të mundshëm për çështjen e emrit.

"Zyrtarisht më duhet të them se iu takon vendeve anëtare apo vendeve kandidate të marrin vendimet e tyre. Por në politikën reale unë shpresoj se të gjithë liderët duhet të mendohen dy herë, pasi referendumi do të hapte kutinë e Pandorës dhe do t’i komplikonte edhe më shumë gjërat", deklaroi Rehn në një seminar të organizuar nga Qendra e Politikave Evropiane në Bruksel.

Në të njëjtin panel diskutimi, merrte pjesë edhe zëvendëskryeministri i Maqedonisë për çështjet e integrimit Vasov Naumovski./alsat/