Kryeministri i mëparshëm Janez Jansha është kandidati i mundur si pasardhës i Sekretarit të Përgjithshëm të NATO-s, por ai nuk planifikon të kandidohet në atë funksion, shkruan javorja e Lubjanës "Reporter".

Duke u përgjgijur në pyetjen e gazetarëve për shkuarjen eventuale në Aleancën ushtarake perëndimore, Jansha, mes tjerash, nuk precizoi nëse ka marrë ofertë konkrete.



Sipas javores, në Nato intensivisht është duke u menduar për pasardhësin e mundur të sekretarit të përgjithshëm të Aleancës, holandezi Jap de Hop Shefer, mandati i të cilit përfundon në maj të vitit të ardhshëm.

Emri i ri duhet të jetë shpehje e kompromisit mes SHBA-së dhe BE-së, për shkak se Franca dhe Gjermania, gjoja nuk janë të përgatitur të pranojnë që pasardhësi i Sheferit duhet të jetë person shumë proamaerikan nga Polonia apo nga Çekia, vlerëson javorja e Lubjanës.

Në një situatë të tillë, kandidati i Sllovenisë, siç shkruan "Reporter" do të ishte zgjidhje e mirë.

Mediat sllovene paraprakisht kanë shkruar për ofertat e disa oganizatave ndërkombëtare deri te Jansha të ndërmarrë disa vende me përgjegjësi në strukturën e tyre, por ai atëherë paralajmëroi se do të mendohet madje pas kongresit të SDS-së, të planifikuar për vitin 2009.