Kaluan projektet për ndërtimin e rrugëve komunale: Bogovinë-Zherovjan
dhe rrugës Siniçan-Sellarcë e Epërme

Kur flasim për misonin e Bankës Botërore në Maqedoni, konkretisht në komunat shqiptare dhe për ecurinë e projekteve të shumta, gjithsesi se këtu duhet të kemi për bazë fakte konkrete, me çka do rezultoj se e përgjithshmja e këtyre punëve ka pasur rezultate të prekshme. Konsiderojmë se, edhe Komuna e Bogovinës është një prej vendeve që ka përfituar projekte, fonde dhe grante nga Banka Botërore.

Kështu, për të përfituar në kohë dhe në projekte serioze, gjithsesi se kërkohet një përkushtim shumë i veçantë, na tha kryetari i Komunës së Bogovinës z.Hazbi Idrizi, për të konkrtizuar faktin se Banka Botërore është një institucion shumë serioz dhe, si institucion relevance ka forma rigoroze të kontrollit dhe auditimit të vazhdueshëm.

Misioni i kësaj banke nuk është thjeshtë dhënia e kredive dhe e fondeve financiare, por nxitja e vetëpunësimit, krijimi i formave të reja të punës që krijonte ndryshime në shumë sektorë të jetës së qytetarëve si dhe ndryshime në mentalitet. Për tu ndërlidhur me temën konkrete, këtu duhet të kemi për bazë një segment shumë të natyrshëm.



Është e logjikshme se, gjatë aplikimit në këto fonde ka edhe probleme me vonesën e projekteve ose me mos përgatitjen e projekteve sipas standardeve të kërkuara nga Banka Botërore. Ndërkaq, si fatmirësi e punëve në vazhdimësi, Komuna e Bogovinës arriti që në kohë të duhur të përfitoj dy projekte konkrete në infrastrukturë, të cilat kanë të bëjnë me rregullimin e rrugëve komunale.

Sipas, z. Idrizi, të gjitha procedurat rreth këtyre punëve kanë përfunduar dhe shumë shpejt presim që këto punë dhe të konkretizohen nga ato firma të cilat arritën t'i fitojnë tenderet. Në këtë rast, fjala është për rrugët komunale: -Bogovinë-Zherovjan dhe rrugës Siniçan-Sellarcë e Epërme.

Për konkretizimin e këtyre projekteve është bërë një punë sistematike dhe me interes të veçantë për komunën tonë , tha z. Hazbi Idrizi.