Detyrimi ligjor për mbajtjen e pajisjes dimërore në automjete hyn në fuqi të dielën më 15 nëntor.

Shoferët kanë për detyrë që ta kenë pajisjen dimërore në makinat deri më 15 mars, pavarësisht nga kushtet e motit.

Ndërkaq, trafiku në të gjitha rrugët magjistrale dhe rajonale në Maqedoni po zhvillohet normalisht, kryesisht nëpër rrugë të pastra dhe të thata.

Lidhja Auto-moto e Maqedonisë iu rekomandon shoferëve vozitje me kujdes nëpër viset malore dhe në lugina, ku ka dukuri të shpeshta të shembjes së dheut.