Këngëtarja atraktive Arta Bajrami nuk ka të ndalur me projektet e reja sa i përket karrierës muzikore. Pasi publikoi albumin e fundit me disa videoklipe të nxehta, ajo tregon se është shumë e kënaqur me punën që ka bërë i vëllai Don Arbas, në realizimin e projektit të saj sepse brenda albumit ka shumë këngë hite.
BLERAND REXHEPI
Këngëtarja atraktive Arta Bajrami nuk ka të ndalur me projektet e reja sa i përket karrierës muzikore. Pasi publikoi albumin e fundit me disa videoklipe të nxehta, ajo tregon se është shumë e kënaqur me punën që ka bërë i vëllai Don Arbas, në realizimin e projektit të saj sepse brenda albumit ka shumë këngë hite.
Por, këto nuk janë të vetmet këngë hite të këngëtares pasi ajo para një viti hodhi në treg dhe një album tjetër me shumë këngë të cilat akoma sot e kësaj dite dëgjohen me të madhe.
Thjesht mund të konsiderohet njëra ndër të pakta këngëtare të cilat investojnë shumë në karrierë duke u paraqitur me albume gati çdo vit edhe pse konkurrenca është tepër e madhe dhe kriza ka kapluar gjitha anët. Por si duket Arta nuk mendohet aspak për këtë gjë sepse punët po i ecin shumë mirë dhe suksesi nuk i mungon.
Ajo tashmë është e martuar, jeton në Gjermani, ndërkohë mendon të zgjerojë familjen. Në një intervistë për mediat kosovare këngëtarja tregon: Unë të gjitha punët i bëj me plan, sepse nuk dua që jeta private të më ndikojë në punën time si këngëtare.
Edhe pse më herët në një bisedë për Panorama plus, Arta tregoi se dëshironte të bëhej nënë, këtë gjë e vërteton edhe në këtë rast.
Sigurisht njeriu martohet, të krijojë familje, por çdo gjë shkon me kohë. Vendimet e mia në jetë i marr me kohë, kështu që pritni edhe pak, kurrë si dihet.... Ndërkohë këngëtarja sapo ka realizuar edhe disa fotografi të reja në të cilat duket shumë seksi.
