Interpoli zbatoi operacion masiv në territorin e 24 shteteve kundër tregtisë ilegale me ilaçe të ndaluara përmes Internetit.

Në kuadër të aksionit, i cili ishte zbatuar mes 16 dhe 20 nëntor, ishin sekuestruar rreth 170.000 medikamente të falsifikuara, si dhe medikamente mjekësore të shitura pa reçetë, duke përfshirë antibiotikë, steroide dhe medikamente për dobësim.

Si rezultat i operacionit, i cili ishte koordinuar nga Interpoli dhe nga Organizata Botërore e Shëndetësisë, ishin mbyllur rreth 70 faqe interneti, të cilat nuk kishin leje për shitjen e ilaçeve.

Mes vendeve, në territorin e të cilave ishte zbatuar aksioni janë SHBA-ja, Kanadaja, Britania e Madhe, Austria, Belgjika, Çekia, Danimarka, Franca, Irlanda, Italia, Holanda, Norvegjia, Portugalia, Spanja, Suedia, Tajlanda dhe Afrika Jugore. /mia/