Dhjetë studentët më të mirë të USHT-së dhe UEJL-së, sot morën bursa studimi në vlerë prej 500 euro, nga fondacioni ‘Silvano Pedrolo’ në koordinim me ambasadën e Italisë. Bursat u ndanë nga kryetari i komunës së Tetovës dhe presidenti i fondacionit ‘Pedrolo’, Antonin Palokaj.

Ndarja e bursave u mirëprit nga studentët.
“Është një kënaqësi për mua dhe kolegët e mi që vijmë nga Tirana në emër të ambasadorit, Silvano Pedrolos, për të ndarë këto bursa studimi për studentët e USHT-së. Është kënaqësi sado modeste me qenë ndihma kur ndihmon në drejtim të arsimit dhe të kulturës rininë, është e ardhmja rinia”, deklaroi Antonin Palokaj, president i fondacionit “Silvano Pedrolo”.

“Jemi të kënaqur nga kjo mbledhje që u mbajt sot për bursat, falënderojmë edhe kryetarin e Komunës dhe gjithë ata që u angazhuan për këta bursa”, u shpreh Hekuran Xheladini, student. Ndërsa studentja tjetër Mimoza Zejnullahu theksoi: “Faleminderit për bursat që na i ndanë sot nga fondacioni “Silvano”.