Teheran, 22 nëntor Forcat e armatosura iraniane kanë ndërmarrë manovra të mëdha ushtarake të mbrojtjes ajrore, të dielën, për të treguar kapacitetet e këtij shteti përballë presionit të Perëndimit në lidhje me programin bërthamor.
Shfaqja e muskujve ushtarakë vjen në kohën e tensioneve në ngritje midis Iranit dhe gjashtë fuqive të mëdha, të cilat druajnë se programi bërthamor i Iranit ka si synim prodhimin e armëve bërthamore. Teherani mohon që ky të jetë qëllimi i programit.
Garda elite Revolucionare e Iranit dhe forcat ushtarake kanë nisur manovrat e përbashkëta pesëditëshe në pjesë të ndryshme të shtetit islamik, ka deklaruar gjeneral-brigadieri Ahmad Mighani për televizionin shtetëror.
Është kjo manovra më e madhe ushtarake që ndodh në një rajon prej 600.000 kilometrash katrorë. Qëllimi i kësaj manovre është promovimi i fuqisë ushtarake të forcave të armatosura, ka thënë ai.
