Dy persona të panjohur me maska, prej të cilëve njëri i armatosur, sot në orën 9 të mëngjesit e kanë plaçkitur këmbimoren "Simona", e cila ndodhet në bulevardin "Aradhët e partizanëve", në lagjen Karposh 1 të Shkupit.

Nga Ministria e Punëve të Brendshme konfirmuan se gjatë plaçkitjes janë vjedhur 10.000 euro, ndërsa i punësuari në këmbimore D.S. është sulmuar fizikisht. Për shkak lëndimeve D.S. është transferuar në Qendrën klinike për emergjencë në Shkup.

Pjesëtarët e Ministrisë së Punëve të Brendshme po bëjnë ekspertizë në vendin e plaçkitjes dhe po ndërmarin masa për gjetjen e kryerësve.