Në organizim të Avokatit të Popullit të Republikës së Maqedonisë dhe Misionit të OSBE-së në Shkup, sot do të mbahet konferencë përfundimtare për implementimin e Protokollit fakultativ të Konventës të Kombeve të Bashkuara kundër torturës dhe vendsojes së mekanizmit parandalues kombëtar në vend.

Konferencën do ta hapin presidenti i Republikës së Maqedonisë Gjorge Ivanov dhe shefi i Misionit vëzhgues i OSBE-së në Shkup ambasadori Hose Luis Herero.

Avokati i Popullit Ixhet Memeti do të përqëndrohet në procesin e vendosjes së mekanizmit parandalues kombëtar në Republikën e Maqedonisë dhe punën e tij të ardhshme, ndërsa për bashkëpunimin me Çekinë do të flasë përfaqësuesi i Zyrës së Ombudsmanit të Çekisë Filip Glocman.

Konferenca është pjesë e projektit për promovimin e Avokatit të Popullit si mekanizëm parandalues kombëtar.