Në takimin e mbrëmshëm të ministrave të NATO-s në Bruksel, ka pasur mospajtime rreth çështjes për situatën në Ballkan dhe mundësinë për anëtarësim të Malit të Zi dhe BeH-së në Planin aksional të Aleancës, njoftuan mediat perëndimore, duke cituar burim të NATO-s.

Sipas tij, një numër i madh i vendeve të Evropës Perëndimore e kanë kritikuar propozimin për anëtarësim të BeH-së në Planin aksional duke e pasur parasysh krizën politike në vend.

Gjasat e BeH-së që të merr "dritë të gjelbër" për anëtarësim në Planin aksional janë "jashtëzakonisht të vogla" ndërsa çështja për Malin e Zi mbetet e hapur.

Seanca sot do të përqendrohet në situatën në Afganistan dhe domosdoshmërinë për dërgimin e forcave shtesë në këtë vend./mia/