Mehmet Ali Agxha, i cili në vitin 1981 tentoi ta vrasë Papa Xhon Palin e Dytë, u lirua nga burgu në Ankara, ku vuajti dënimin për vrasjen e gazetarit turk Abdi Ipekçi.

Agxha, i cili kaloi mbi 29 vite në burg, do t'i nënshtrohet kontrollit të ri mjekësor në Spitalin ushtarak, për shkak të përgatitjes së raportit mjekësor për aftësinë e tij për shërbim ushtarak.

Në vitin 2006, Agxha, tani 52-vjeçar, ishte shpallur nga spitali ushtarak në Stamboll si "i paaftë" për shërbim ushtarak, për shkak të "devijimit të madh antisocial të personalitetit".

Ministria e Mbrojtjes pohon se nuk e ka legalizuar këtë dokument.

Në deklaratën, të kumtuar sot nga avokati i tij, i vetëshpalluri "Mesia i dytë" Agxha e paralajmëroi fundin e botës.


“Une jam Jezusi i perjetshem, trini nuk ekziston”. Kjo eshte deklarata e Ali Agca, personi qe sulmoi Papa Gjon Pavlin II ne 1981, qe sot eshte liruar nga burgu i Sincan, ne Turqi.


Ai ka udhezuar avokatet e tij te shperndajne nje fotokopje te nje teksti ne anglisht te shkruar nga Agca. Mesazhi i shperndare permban pese artikuj.

Artikulli 1: Zoti eshte i vetmi deri ne perjetesi. Zoti eshte i plote deri ne perjetesi. Trini nuk ekziston.

Artikulli 2: Une nuk jam Zoti, une nuk jam biri i Zotit. Une jam Jezusi i perjetshem, fjala e shenjte e rilindur me kocka dhe mish. Jam sherbetori me i larte i perjetshem i Zotit, trini nuk ekziston.

Artikulli 3: Shpirti i shenjte eshte vetem nje engjell i krijuar nga Zoti. Trini nuk ekziston.

Artikulli 4: Deklaroj se ka ardhur fundi i botes. E gjithe bota do te shkaterrohet brenda ketij shekulli. Cdo njeri do te vdese brenda ketij shekulli.

Artikulli 5: Bibla eshte plote me gabime. Une do te shkruaj Biblen perfekte.


Holivudi i interesuar për rrëfimin e Mehmet Ali Agxhas

Holivudi Mehmet Ali Agxhasë, i cili në vitin 1981 tentoi ta vrasë Papa Gjon Palin e Dytë, i ofroi kontratë në shumë prej tetë milionë dollarëve për rrëfimin e tij, konfirmoi avokati i tij, Jillmaz Aboshogllu.

Ai theksoi se Agxha ende nuk ka nënshkruar kontratë me asnjë kompani, edhe pse paraprakisht deklaroi se do t'i shesë memoaret e veta për disa milionë dollarë dhe se jep intervista vetëm nëse paguhet për to.

Avokati i Agxhasë theksoi se ai planifikon së bashku me shkrimtarin amerikan, Den Braun të shkruajë vazhdimin e romanit "Kodi i Da Vinçit" nën titullin "Kodi i Vatikanit", e më pas libri të ekranizohet.

Agxha sot do të lirohet nga burgu, pas 29 viteve, për tentim për vrasje ndaj Papa Gjon Palit të Dytë.