Moti i ftohtë me temperatura të ulëta të mëngjesit dhe ato ditore vazhdon. Temperatura e mëngjesit, sipas informatave nga Drejtoria për punë meteorologjike, në disa vende do të ulet deri në minus 15 gradë.

Sot në mëngjes janë matur minus 15 gradë në Kodrën e Diellit, minus 13 në Krushevë, minus 12 në Mavrovë, minus 11 në Manastir, minus 10 në Kriva Pallankë, minus 9 në Shtip, minus tetë në Shkup, minus gjashtë në Ohër dhe minus tre në Gjevgjeli.

Sot moti do të jetë me diell dhe vranësia mesatare me temperaturë maksimale ditore prej minus katër deri në 2 gradë Celsius.

Edhe për tre ditët e ardhshme paralajmërohen temperatura mëngjesi nën zero.