Në Shkup është vështirësuar zhvillimi i komunikacionit në orët e mbrëmjes, kur për shkak të temperaturave të ulëta u formua mbulesë më e vogël e borës edhe nëpër rrugë, ndërsa u shkaktuan edhe disa aksidente të vogla trafiku, në të cilat është shkaktuar vetëm dëm material.

Ekipet e ndërmarrjes “Rrugë dhe rrugica” kanë intervenuar me hedhjen e kripës në të gjitha rrugët kryesore, ndërsa e njëjta gjë është bërë edhe gjatë orëve të hershme të mëngjesit, ndaj nuk kishte ngecje më të mëdha në trafik.

Problem të vetëm paraqiste bora në vendbanimet më të larta të Shkupit, ku rrugë lokale nuk ishin pastruar me kohë, ndaj edhe një pjesë e qytetarëve u vonuan në vendet e tyre të punës.

Komunikacioni në të gjitha akset rrugore magjistrale dhe rajonale nëpër shtet zhvillohet me vështirësi në kushte dimërore, për shkak të reshjeve të borë dhe mbetjeve në rrugë. Ndalesa dhe kufizime nuk ka, vetëm se në aksin malor Preseka është i detyrueshëm përdorimi i pajisjes dimërore vetëm për automjetet e rënda transportuese.
Komunikacioni hekurudhor dhe i autobusëve zhvillohet normalisht, me vonesa më të vogla.

Meteorologët për sot nuk presin reshje të reja të borës, kështu që gjatë ditës është e mundshme edhe shkrirja e mbulesës së vogël të borës në vendet më të ulëta.

Kënaqësi nga bora e re ka edhe në qendrat e skijimit, ku lartësia e borës është i mjaftueshëm për sportet dimërore./alsat-m/