Arsimi dhe sporti munden bashkë
















Të jesh sportist i mirë do të thotë të jesh nxënës apo student i shkëlqyeshëm. Këta e ka dëshmuar njëri ndër futbollistë më të mirë në ekipin Shkëndijës Ardian Cuculi, i cili në moshën 23 vjeçare tani më mbanë titullin JURIST I DIPLOMUAR .


Ardian Cuculi me datën 15 janar 2010 në Fakultetin e Shkencave Juridike në Universitetin FON. Ka dhënë provimin e fundit me çka edhe ka fituar titullin Jurist i Diplomuar . “Unë edhe pse futbollin e dua shumë dhe gjithmonë kam tentuar që të jem ndër më të mirët në ekipin ku luajë krahas a kësaj asnjëherë nuk kamë menduar që të largohem nga shkollimi. Përkundrazi gjithmonë kohën e lirë e kamë shfrytëzuar për të studiuar dhe ja frytë i punës time të palodhshme është Diploma në Fakultetin Juridik në Universitetin FON. Kjo është një dhurata e ime dedikuar familjes sime nga të cilët gjithmonë e kamë pasur përkrahjen e madhe” tha futbollisti Ardian Cuculi tani edhe jurist i diplomuar.


Përndryshe Ardian Cuculi është në përgatitje me ekipin e Shkëndijës për sezonin pranveror të kampionatit në ligën e dytë “Tani më mbetet që të koncentrohem në përgatitje cilësore pasi ekipin e Shkëndijës e presin sfida të mëdha për tu kualifikuar në elitën e futbollit të Maqedonisë. Unë jam i bindur se nga kampionati 2010/11 “kuqezinjtë përsëri do të jenë në elitën e futbollit dhe së bashku me tifozët më të flaktë “Ballistët” do të rrugëtojmë drejtë fitoreve të reja. Për këtë jam më se i bindur” tha Ardian Cuculi , i cili shpreson se viti 2010 do të jetë vit i sukseseve të tija dhe të klubit ku ai luan.

Përndryshe Ardian Cuculi ka lindur me 19.07.1987 në Kërçovë, karrierën e ka filluar te ekipi i Vëllazërimit , ka luajtur në ekipin Vëllazërimit, Shkëndijës, Pobeda e Prilepit, Milano të Kumanovës në ligën e parë ndërsa aktualisht është pjesë e ekipit Shkëndija liderë në tabelën e klasifikimit në ligën e dytë, ai gjithashtu ka qene edhe futbollist standard në reprezentacionin e Maqedonisë U-21.