Kryeministri Nikolla Gruveski dhe zëvendëskryeministri Abdilaqim Ademi në fshatin Zherovjan, komuna e Bogovinës, sot e lëshuan në përdorim sallën e re sportive "Liria", e cila është pjesë e projektit qeveritar për ndërtimin e 35 sallve sportive në Maqedoni.

Në solemnitetin e rastit në të cilin morën pjesë edhe drejtori i Agjencisë për të rinj dhe sport, Dragan Gjurçevski dhe kryetari i komunës së Bogovinës, Hazbi Idrizi i cili theksoi se sot po lëshohet në përdorim salla e 18-të me radhë nga 35 të planifikuarat.

"Kjo do të jetë sallë për më shumë qëllime për më shumë sporte. Është dedikuar për të gjithë banorët e Zherovjanit, e veçanërisht për nxënësit e SH.F. "Liria" në kuadër të së cilës është ndërtuar. Sallën ia lëshojmë komunës së Bogovinës, tha kryeministri Gruevski dhe paralajmëroi se krahas ndërtimit të 35 sallave Qeveria planifikon të ndërtojë edhe 50 fusha futbolli nga të cilat një edhe në komunën e Bogovinës.

Drejtori i Agjencisë për të rinj dhe sport Dragan Gjurçevski tha se shpreson se në këtë sallë do të lindin sportistë të rinj kualitativë me të cilët do të krenohet e gjithë Maqedonia.

Ai veçanërisht u përqëndrua në tradinën shumëvjeçare të klubit të hendbollit "Liria" nga Zherovjani.

Kryetari i komunës së Bogovinës Idrizi theksoi se është i kënaqur nga bashkëpunimi i deritanishëm me Qeverinë dhe me atë që Zherovjani është një nga vendet e banuara ku është ndërtuar sallë.