Në Gostivar u inaugurua godina e re e njësisë akademike të USHT-së, Fakultetit të teknologjisë ushqimore dhe ushqimit. Kjo njësi do të punojë me një program studimor, atë të teknologjisë ushqimore ndërsa së shpejti pritet të hapet edhe një program tjetër, ai i bujqësisë.

Ky objekt i ngritur me shumë mund e sakrifica, në vete përfshin sipërfaqe prej 3250 metra katrorë, dhe disponon me pesë salla mësimi, bibliotekë, 9 laboratorë, 20 kabinete për nevojat e stafit akademik dhe zyra të tjera për nevojat e administratës së Universitetit.

Fakulteti i teknologjisë ushqimore dhe ushqimit, aktualisht ka dy programe studimore, teknologjia ushqimore dhe të ushqyerit ndërsa së shpejti do akreditohet edhe programi i ri studimorë, i bujqësisë. Në kuadër të fakultetit do ndërtohet edhe laborator bashkëkohorë për analizat ushqimore”, theksoi rektori i USHT-së, Agron Reka.

Në përurimin e godinës së re, merrnin pjesë edhe ministri i Arsimit dhe shkencës Nikolla Todorov, dhe ambasadorë. Në shenjë mirënjohje për kontributin e dhënë, rektori i USHT-së Agron Reka dekoroi me mirënjohje ministrin Todorov, zëvendësministren Lindita Qazimi dhe kryetarin e BDI-së Ali Ahmetin.