Sekretari i përgjithshëm i NATO-s, Anders Fogh Rasmussen deklaroi në Bruksel se Aleanca do të vazhdojë angazhimin e saj për paqe dhe stabilitet në Kosovë si dhe për përfshirjen dhe integrimin e të gjitha bashkësive etnike në shoqërinë kosovare.

Ishte kjo përgjigja e Rasmussenit në pyetjen e gazetarëve, nëse NATO-ja mbështet strategjinë e qeverisë së Kosovës për Veriun e vendit.

Rasmussen-i bëri të ditur se Kosova dhe roli i KFOR-it atje, krahas Afganistanit dhe çështjeve tjera të sigurisë, do të jetë një prej temave kryesore në takimin e ministrave të mbrojtjes, i cili zhvillohet të enjten dhe të premten në Stamboll të Turqisë.