Këshilli i Komunës së Zhelinës diskutoj në lidhje me vendimin e Ministrisë së arsimit për mësimin e gjuhës maqedone nga doli konkluzioni se mësimi i gjuhës maqedonase nga klasa e parë është i pa arsyeshëm, politik dhe antiligjor.

“Vendimi i ministrit të arsimit Nikolla Todorov për mësimin e gjuhës maqedonishte në shkollat shqipe që nga klasa e parë fillore e konsiderojmë të pa arsyeshëm, të pa matur, madje tendencioz, duke marrë parasysh faktin se në drejtim të realizimit të këtij vendimi nuk janë bërë kurfar konsultimesh e përgaditjesh, kurfar analiza e studimesh profesionale, shkencore – pedagogjike.

Vendimi politik dhe antiligjor i ministrit Todorov praktikisht është një pazar pa hanxhiun, pa ata të cilët duhet ta zbatojnë, pra pa e marrë parasysh faktin nëse nxënësit shqiptarë mund të përballojnë mësimin e tri gjuhëve që në klasën e parë, thuhet në kumtesën e Këshillit të Komunës së Zhelinës

Qëllimin e integrimit ministri e ka kuptuar gabimisht ose ashtu do ta kuptoje, ngase integrimi në të vërtetë nënkupton reciprocitetin, pra edhe mësimin e gjuhës shqipe nga nxënësit maqedonas. Së këtejmi, vendimi diskriminues i ministrit të arsimit Nikolla Todorvo duhet të tërhiqet menjëherë, duke marë parasysh pasojat që mund ti ketë për arsimin shqip dhe për marëdhëniet edhe ashtu të acaruara ndëretnike” thuhet në ragimin e Këshillit të Komunës së Zhelinës, thuhet në kumtesën e Këshillit të Komunës së Zhelinës