Në goditjet e dashurisë mbretëresha e popit Madonna është mësuar tashmë, e kur mori vesh se djaloshi i saj Jesus Luz e ka tradhtuar me nj manekine braziliane, ajo nuk priti shumë për ta kthyer goditjen. Gjahu i saj i ri është 27 vjet më i vogël dhe quhet Jon Kortajaren, kurse me profesion është aktor.
Kortajaren është yll i filmit A single man dhe në premierën e paradokohshme të filmit në New York, Madonna ia hodhi sytë këtij të riu. Sipas fjalëve të të pranishmëve, këngëtarja 51-vjeçe pa fije turpi dhe në prani të të gjithëve ia bënte vazhdimisht me sy aktorit, transmeton gazeta Veçernji list e Zagrebit. Kjo qasje sikur pati sukses dhe menjëherë pas premierës ata dy përfunduan në një darkë të përbashkët. Madonna me atë rast i premtoi se do tia hapë dyert e botës së të famshmëve.
Derisa ajo luante lojën me sy me të preferuarin e saj, ish-i dashuri Jesus kënaqej në Brazil. Prej atje i dërgoi porosi Madonnës se me të nuk dëshiron më të ketë aq miqësi. Epilogu i tregimit të dashurisë me Jesusin aq shumë e nevrikosi Madonnën sa ajo me qëllim vendosi ti hidhej në qafë të parit që do ti dilte përpara. Kurse i pari i tillë ishte aktori Jon.
