Prej një kohë të gjatë është larguar nga vëmendja e publikut, duke dëshiruar të jetojë e qetë dhe pa thashetheme. Vajza kosovare e cila për një kohë tepër të shkurtër u bë emër i përfolur në media falë programit Big Brother 1, qoftë duke u kritikuar qoftë duke u admiruar nga publiku, po i jep fund beqarisë. Ajo dje është fejuar me Kushtrim Sadikun me të cilin është në lidhje një kohë të gjatë. Për planet rreth studimeve, punës, si dhe për fejesën e saj, në një intervistë ekskluzive për Panorama plus, rrëfehet Besarta Abdullahu.
Blerand Rexhepi
U bë kohë që je zhdukur nga vëmendja e mediave, pse?
Sepse më shumë më pëlqen jeta jashtë mediave, e adhuroj jetën e qetë këtë që po jetoj tani, me njerëzit që i dua dhe që më duan me të vërtetë.
Të ka besdisur ky popullaritet që kur dole nga Big brother?
Të them të drejten ishte një gjë shumë e re për mua, dhe unë nuk isha e përgatitur për të, por gjithsesi ishte vërtet bukur, ishte një përvojë shumë e mirë dhe e paharruar për mua.
Prej se e ke bërë publike lidhjen e dashurisë, nuk je shprehur edhe aq shumë nëpër media, pse?
Sepse dua ta ruaj jetën private më shumë për vete, duke qenë jeta në qendër të vëmendjes në media nuk është dhe shumë e mirë pasi unë nuk e preferoj. Dua të jetoj e qetë dhe e lumtur me Kushtrimin, kështu siç jemi tani.
Dëshironi të vazhdoni akoma në lidhje apo keni vendosur për hapat e rëndësishëm të jetës?
Është një hap goxha i rëndësishëm prandaj ne vendosëm që dashurinë tonë ta bëjmë edhe më zyrtare, duke bërë fejesën tonë më 5 shkurt, kurse më pastaj të shohim
Po bashkëjetesën e dëshironi?
Kemi gati një vit që bashkëjetojmë dhe jemi shumë të lumtur.
