Ministria shqiptare e Punëve të Jashtme sot kumtoi se ka hyrë në fuqi marrëveshja për heqjen e regjimit të vizave me Republikën e Turqisë, e nënshkruar më 20 nëntor vitin e kaluar.

Në kumtesën e Ministrisë, theksohet se marrëveshja ka hyrë në fuqi nga 27 janari dhe se shtetasit e të dy vendeve do të mund të qëndrojnë në Turqi, përkatësisht Shqipëri, pa ndërprerë 90 ditë në afat prej 180 ditëve, njoftoi korrespondenti i MIA-s nga Tirana.

Turqia, së bashku me Italinë paraqet partner kryesor tregtar të Shqipërisë.

Me heqjen e vizave pritet rritja e shkëmbimit tregtar, por edhe dyndje më të madhe të njerëzve, posaçërisht shtetas shqiptarë, të cilët përveç për biznes dhe turizëm në Turqi qëndrojnë edhe për vizitë të familjarëve të tyre, të cilët i kanë në numër më të madh.