Për shkak të dhimbjeve të forta në kraharor, ish-presidenti i Shteteve të Bashkuara të Amerikës Bill Klinton është shtruar të enjten në një spital të Nju Jorkut.

Këshilltari i tij, Dagllas Band, deklaroi se gjendja shëndetësore e Klintonit është e mirë. Hillari Klinton nga Uashingtoni ka shkuar për në Nju Jork për të qenë afër bashkëshortit të saj.

Një mik i Klintonit i tha ABC News se ai ishte i ftohur dhe ndjehej i lodhur pas udhëtimit të tij në Haiti javën e kaluar, ku që nga tërmeti i 12 janarit ishte i angazhuar në mbikëqyrjen e ndihmave të Kombeve të Bashkuara.

63 vjeçari Klinton në vitin 2004 i ishte nënshtruar një operacioni në kraharor.